Atyraýdaǵy kınokontsert zaly bıznes-ortalyǵyna aınalady
ATYRAÝ. QazAqparat - Qurylysyna 3,8 mlrd. teńge jumsalyp, taǵy 5 mlrd. teńgeni qajet etken, sońynda aıaqtalýsyz qalǵan Atyraý kınokontsert zaly bıznes-ortalyǵyna aınalatyn boldy.
«Frantsııalyq ınvestorlar Nursaıa shaǵynaýdanyndaǵy 1200 adamǵa arnalǵan kınokontsert zaly ǵımaratynyń qurylysyn qaıta jandandyrýǵa nıetti. Jaqyn arada aıaqtalmaǵan qurylys bıznes-ortalyq bolyp qaıta qurylady. Atalǵan jobany júzege asyrý úshin 20 mıllıon dollar quıý qajet. Frantsııalyq Issmat investment & finance kompanııasy men óńir basshylyǵy arasynda ınvestıtsııalar týraly memorandým jasaldy», - dep habarlady oblys ákimdiginiń baspasóz qyzmetinen.
Kınokontsert zalynyń qurylysy 2010 jyly Atyraýdyń shalǵaıda ornalasqan shaǵynaýdandarynyń birinde, qazir halyqaralyq izdeýde júrgen B.Rysqalıevtiń tusynda bastaldy. B.Rysqalıev pen onyń komandasy otstavkaǵa ketken soń, memlekettik saraptama kınokontsert zaly qurylysyna 3,8 mlrd. teńge jumsalǵanyn anyqtady. Biraq is júzinde qurylys jumystaryna odan az aqsha jumsalǵan. Qurylysty aıaqtaýǵa jáne jobany óreskel buzǵan kemshilikterdi túzeý úshin taǵy 5 mlrd. teńge qajet boldy.
Óńirdi B.Іzmuhambetov basqarǵan tusta eki túrli usynys boldy: qurylysty úlken balabaqshaǵa aınaldyrý nemese súrip tastaý. Eki nusqa da qymbat bolýyna baılanysty júzege aspady.
