Atyraýdaǵy qaıyrymdylyq aýktsıonynda qorǵa 35 mln teńge tústi
ATYRAÝ. QazAqparat - Atyraýda 30 sáýir kúni «BikeRide Atyrau-2018» alǵashqy velosherýi aıasynda qaıyrymdylyq aýktsıony ótken bolatyn. Atalǵan aýktsıon barysynda qorǵa 35 mıllıon teńge tústi, dep habarlaıdy QazAqparat tilshisi.
Kesh qonaqtarynyń qatarynda Olımpıada chempıondary Ilıa Ilın, Aleksandr Vınokýrov, «Astana» velokomandasynyń músheleri men kásipkerler, túrli kompanııa men uıymdardyń ókilderi qatysty.
Aýktsıondaǵyeń qymbat lot «Vino Bike» velosıpedi - 10 mln 400 myń teńge. Ony Qulsary qalasynan kelgen otbasy satyp aldy. Osy otbasy ekinshi kollektsııalyq Argon 18 velosıpedin 5 mln 400 myń teńgege baǵalady.
«Kásipkerdiń áıeli Samal velosıpedterdi ózderiniń kishkentaı uldaryna syılaıtynyn aıtty»,-deıdi aýktsıon uıymdastyrýshylary.
Sonymen qatar, aýktsıon barysynda Maık Taısonnyń óz qoltańbasy bar qolǵaptary 3 mln 200 myń teńgege baǵalandy, Roı Djonsonnyń qoltańbasy bar qolǵaptar 1 mln 200 myń teńge boldy.
Qaıyrymdylyq aýktsıonynda eki chempıonnyń qoltańbalary bar jeıdeler, sırek kezdesetin velosıpedter, sonymen qatar eń iri evropalyq velotýr ótetin Ispanııanyń Výelta qalasyna 3 kúndik týr oınatyldy. Aleksandr Vınokýrovtyń ózi Roı Djonsonnyń qoltańbasy bar qolǵaptardyń ıesi atandy. Olımpıada chempıony lotty 1 mln 200 myń teńgege baǵalady»,- deıdi uıymdastyrýshylar.
Aýktsıonda «Astana» velokomandasy men Atyraý oblystyq sportty damytý jáne qoldaý qoǵamdyq qory atynan barlyǵy 12 lot saýdalandy.
Qaıyrymdylyq sharasy kezinde 34,4 mıllıon teńge qarjy tústi.
Barlyq qarjy Atyraý oblysyndaǵy velosportty damytýǵa jumsalady.
Abaı Aqmurzıev
