Atyraýdaǵy iri kásiporyndar medıtsınalyq mekemelerge kómek kórsetýde
«Atyraý oblysynyń jetekshi kásiporyndary, Elbasynyń koronavırýske qarsy kúres qoryn qurý týraly málimdemesin tolyqtaı qoldaımyz. Bundaı kúrdeli kezde eshkim ortaq isten tys qalmaýy tıis. Bizdiń kásiporyndardyń ujymdary epıdemııa qaterin jete túsinip otyr jáne jaýapkershilik tanytyp, azamattyq sanaǵa súıenip, koronavırýske qarsy kúreske belsene atsalysýǵa ázir. Búginde bizdiń kásiporyndarymyz medıtsınalyq mekemeler men medıtsınalyq personalǵa úlken kómek kórsetip jatyr. Qomaqty qarajat bólinip, oǵan qajetti medıtsınalyq jabdyqtar, teplovızorlar, jeke qorǵaný quraldary satyp alynýda. Elbasynyń málimdemesi kúrdeli kezeńdegi jaqsy jańalyq bolyp, rýhanı qýat beredi» - delingen úndeý mátininde.
Sondaı-aq, iri kásiporyndar ókilderi áleýmettik jaýapkershilik tanytatynyn jetkizdi.
«Biz talaı qıyn-qystaý zamandy basymyzdan keshirip, árdaıym qıyndyqtardy jeńip keldik. Áleýmettik jaýapkershilik tanytyp jáne qoǵamymyzdyń birligin saqtap, biz bul qaterli ınfektsııany da jeńemiz, azamattardyń densaýlyǵyn jaqsartamyz», - deıdi olar.
Úndeýge «Tenizshevroıl» JShS, «NCOC» kompanııasy, «Embimunaıgaz» AQ syndy iri kásiporyndar qoldaý bildirdi.
