Atyraýdaǵy Ganıýshkın aýyly Qurmanǵazy bolyp ózgertildi
ATYRAÝ. QazAqparat - Atyraý oblysyndaǵy Ganıýshkın aýyldyq okrýgi endi Qurmanǵazy bolyp atalady, dep habarlaıdy QazAqparat tilshisi.
Osyǵan baılanysty aýdan ortalyǵyndaǵy S.Kóshekbaev atyndaǵy mádenıet úıinde Ganıýshkın aýyldyq okrýginiń «Qurmanǵazy» bolyp ózgerýine baılanysty saltanatty jıyn ótti.
«Ganıýshkın selosy oblystyq ádilet basqarmasynda Qurmanǵazy aýyldyq okrýgi men Qurmanǵazy aýyly bolyp tirkeldi. Osy tarıhı sát kúıshi babamyzdyń esimin máńgi saqtaý maqsatynda jasalyp otyrǵan sharalardyń biri», - deıdi aýdan ákimi Bıboz Shaıahmetov.
Aýdan basshysy Bıboz Shaıahmetov saltanatty shara barysynda birlesken sheshimniń kóshirmesin urpaqqa estelik bolsyn dep, aýdandyq murajaıdyń basshysy Gaýhar Taýmanovaǵa tabys etti.
«Bul sheshim 2017 jylǵy 30 qazanda ótken qoǵamdastyq jıynynda kópshilik daýyspen qabyldandy. Bastamany oblystyq máslıhat depýtattary da qoldady, - dedi aýyl ákimi Murabek Muǵalim.
Avtory: Abaı AQMURZIEV
