Atyraýdaǵy forým aıasynda qalanyń bes turǵynyna Máskeý hırýrgteri ota jasady
ATYRAÝ. QazAqparat - Atyraýda otorınolarıngologtardyń V Eýrazııalyq Assambleıasy jáne Qazaqstan Respýblıkasy LOR dárigerleriniń ІІ sezi bastaldy, dep habarlaıdy QazAqparat tilshisi.
Halyqaralyq forýmnyń ashylý saltanatynda professor, Qazaqstannyń otorınolarıngologtar qaýymdastyǵynyń prezıdenti Raıs Tólebaev sóz sóıledi.
«Memleket basshysy Nursultan Nazarbaev elimizdiń densaýlyq saqtaý salasyna úlken kóńil bóledi. Muny táýelsizdik jyldarynda salynǵan, zamanaýı jabdyqtarmen jaraqtandyrylǵan medıtsınalyq nysandar dáleldeıdi. Elde mindetti medıtsınalyq saqtandyrý, tsıfrlandyrý jáne eń ozyq medıtsınalyq tehnologııalardy engizý jumystary júrgizilýde. Qazaqstannyń otorınolarıngologtary Eýropanyń jáne Reseıdiń úzdik klınıkalarynda bilim aldy. Mundaı forýmdardy ótkizý ártúrli elderdiń medıtsınalyq mamandarynyń tájirıbe almasýyna múmkindik beredi. Bizdiń jetistikterimizdi kórsetip, álemdik kóshbasshylardyń ozyq tájirıbesin qabyl alyńyz. Forýmǵa Germanııa, Polsha, Reseı, Qyrǵyzstan, Ózbekstan, Ýkraına, Grýzııadan kelgen otorınolarıngologııa salasyndaǵy úzdik mamandar jınalǵan»,- dedi professor .
Halyqaralyq forýmǵa qatysýshylardy quttyqtaǵan Atyraý oblysynyń ákimi Nurlan Noǵaev halyq densaýlyǵynyń mańyzdylyǵyn atap ótti. «Qazirgi qoǵamnyń qundy baılyǵy - salaýatty urpaq.
«Memleket basshysynyń bastamasymen júzege asyrylǵan «100 mektep, 100 aýrýhana» baǵdarlamasy álemdik standarttarǵa sáıkes jabdyqtalǵan elde jańa zamanaýı klınıkalar salýǵa múmkindik berdi. Sondaı-aq, mamandardy daıarlaýǵa úlken kóńil bólinedi. Bul osy saladaǵy kóptegen problemalyq máselelerdi sheshýge jáne halqymyzǵa sapaly medıtsınalyq kómek kórsetýge jol ashady. Bul jumys bolashaqta da jalǵasady. Bizdiń dárigerler zamanaýı ǵylymı ortalyqtarǵa barýǵa, qajetti bilim alýǵa jáne tájirıbe almasýǵa múmkindik alady. Al, búgingi kezdesý bul salanyń damýyna qosymsha serpin beredi. Sizderdiń kásibı qyzmetterińiz adamdarǵa osy álemdi tanýǵa jáne tolyǵymen damýǵa múmkindik beredi», - dedi óńir basshysy.
Reseıdiń Otorınolarıngologııa ǵylymı-klınıkalyq ortalyǵynyń dırektory, professor Nıkolaı Daıhes otorınolarıngologtar Eýrazııalyq Assambleıasynyń qalaı qurylǵanyn sıpattady.
«2014 jyly biz Máskeýde osy assambleıany qurdyq jáne onyń prezıdenti Raıs Tólebaevty biraýyzdan saıladyq. Jáne biz ózimizdiń kásibı máselelerimizdi ǵana emes, jalpyǵa ortaq qyzmetterdiń aýqymdy máselelerin talqylaý mindetin alǵa qoıdyq. Bul zamanaýı tehnologııalar jetistikterimen almasý. Qoǵamdyq, azamattyq deńgeıde tájirıbe almasýdyń mańyzy zor. Bul tek ǵylymı-praktıkalyq konferentsııa emes, bul azamattyq qoǵamnyń dıalogy. Dárigerler - osyndaı kezdesýlerge qansha memlekettiń qatysqanyn eskere otyryp, túrli pikir qalyptastyratyn qoǵamdyq adamdar. Bul-jınalystyń ereksheligi », - dep atap ótti Nıkolaı Daıhes.
Eki kúndik forýmda zamanaýı hırýrgııa boıynsha sheberlik-synyptar ótkiziledi. Otalardy júrgizý jáne naýqastarǵa keńes berý.
Aıta keteıik, forýmnyń aıasynda estý qabileti buzylǵan Atyraý qalasynyń bes turǵynyna Máskeýdiń úzdik hırýrgtteri ota jasaǵan.
