Atyraýdaǵy «Eski bazar» ákimshiligi tótenshe jaǵdaı talabyn buzǵan
ATYRAÝ. QazAqparat –Atyraý qalasyndaǵy «Eski bazar» ákimshiligi tótenshe jaǵdaı talabyn buzǵan, dep habarlaıdy QazAqparat.
Keshe áleýmettik jelilerde «Karantın. Atyraý qalasynda. Joq. Estigen joqpyz» degen vıdeo jarııalanǵan edi. Onda adamdardyń kóp jınalǵany túsirilgen.
«Oqıǵa 12 sáýirde Atyraý qalasyndaǵy Afanasev kóshesiniń boıynda ornalasqan «Eski bazar» aýmaǵynda bolǵan. Tótenshe jaǵdaı kezindegi talaptardy oryndamaǵan bazar ákimshiligine qatysty QR Ákimshilik quqyqbuzýshylyq týraly Kodekstiń 476-babynyń, 6-bóligimen toltyrylǵan hattama sotqa joldandy. Qolǵa alynǵan sharalar týraly qosymsha habarlanady» -dep málim etti búgin oblystyq polıtsııa departamentiniń baspasóz qyzmeti.
