Atyraýdaǵy boks keshi: Abylaıhan Júsipov alǵash ret profı-rıngke shyǵady

ATYRAÝ. QazAqparat – Atyraý qalasynda kásipqoı boks keshi ótedi, dep habarlaıdy QazAqparat «Suleimen Promotion» kompanııasynyń Instagram-daǵy paraqshasyna silteme jasap.

⠀

«Suleimen Promotion» kompanııasy Atyraý oblysy ákimdiginiń qoldaýymen kásipqoı̆ boks keshin ótkizýdi josparlap otyr. Osy oraıda, kompanııa ókilderi oblys ákimi Mahambet Dosmuhambetovpen kezdesti.
«Kesh barlyq sanıtarlyq talaptar saqtala otyryp, kórermendersiz ótkiziledi. Elimizdiń jetekshi arnalarynan tikeleı kórsetiledi. Basty jekpe-jekte álemdik reı̆tıngide úzdik 15-tikke engen ekinshi orta salmaqtaǵy Aı̆dos Erbosynuly óziniń chempıondyq beldikterin qorǵaı̆tyn bolady, - deı̆di kompanııanyń atqarýshy dırektory Tanat Nýrshın.
Boks keshinde barlyǵy 5 jekpe-jek ótedi.

«Aldaǵy ýaqytta onyń barlyq talaptarǵa saı̆ uıymdastyrylýy talqylanyp, naqty ýaqyty qosymsha habarlanady», - dedi promoýterlik kompanııadan.
Anderkartta Bek Nurmaǵambetov, Evgenıı Pavlov, Danıla Semenov jáne QR Olımpıada komıtetiniń ruqsatymen Abylaıhan Júsipov óner kórsetedi.

Aıta keteıik, A.Júsipov Qazaqstan quramasynyń beldi múshesi. Buǵan deıin ol 69 kelige deıingi salmaqta Olımpıadaǵa lıtsenzııa utyp alǵan bolatyn. Atyraýdaǵy boks keshinde profı-bokstaǵy debıýttik aıqasyn ótkizedi.

Aı̆ta ketý kerek, «Suleimen Promotion» Atyraý oblysynda Ibragım Shııapulynyń bastamasymen negizi qalanǵan. Qazirgi tańda elimizdegi eń iri boks promoýterlik komanııasy bolyp tabylady. Kompanııa osyǵan deı̆in Belarýs, Reseı̆, Aýstralııa sekildi memleketterde jáne Almaty qalasynda úlken boks keshterin uı̆ymdastyrdy.