Atyraýdaǵy bekire zaýytynda analyqtardyń basym bóligi qyrylǵan
ATYRAÝ. QazAqparat - Atyraýdaǵy bekire zaýytynda analyqtardyń basym bóligi qyrylǵan, dep habarlaıdy QazAqparat tilshisi.
«1-3 jeltoqsanda biz balyqtar úshin Jaıyqtan sý tartqan edik. 4 jeltoqsanda sýdaǵy hlorıd mólsheriniń 396-ǵa jetkeni anyqtaldy. Onyń qalypty jaǵdaıy 350 bolýy tıis edi. Balyqtar qyryla bastady. Qazirgi tańda zaýyttaǵy 217 analyqtyń 164-i qyryldy», - dep habarlady «Jaıyq-Atyraý bekire ósirý zaýyty» RMQK basshysy Gılman Sársemalıev vedomstvoaralyq komıssııa otyrysynda.
Aıta keteıik, zaýytta memlekettik tapsyryspen qortpa, bekire, shoqyr jáne súırik shabaqtary ósirilip, Jaıyq ózenine jiberiledi.
Atyraýda balyqtar jeltoqsannyń basynda jappaı qyryla bastady. Balyqtardyń jappaı qyrylý sebebin tekserý boıynsha vedomstvoaralyq komıssııa quryldy.
