Atyraýdaǵy balabaqshalarda asyq-terapııa engizildi
ATYRAÝ. QazAqparat - Qazaqtyń ulttyq oıyny - asyq atý Atyraýdaǵy balalardy damytýǵa septigin tıgizip jatyr, dep habarlaıdy QazAqparat tilshisi.
«Qazaqtyń ejelden kele jatqan ulttyq oıyny asyq atý sońǵy kezde umyt bola jazdady. Biz sony jańǵyrtýdy maqsat ettik. Asyq oınaǵan balanyń jyldamdyǵy, mergendigi damyp, alystan kórý qabileti artady, aıaq-qoly shıraq qımyldap, epti bola túsedi. Asyq atý úshin balaǵa logıkalyq oılaý da qajet, bul búldirshinderdiń oı-órisin damytady», - deıdi bastamashylardyń biri, «Kórkem-aı» balabaqshasynyń tárbıeshisi Svetlana Salyqova.
Tárbıeshiler balalarmen birge basqa balabaqshalardaǵy áriptesterine asyqtyń 30-dan astam túrin kórsetti.
«Rýhanı jańǵyrý» baǵdarlamasynda otansúıgishtiktiń negizi retinde týǵan jerge, ata dástúrge, ulttyq qundylyqtarǵa erekshe mán berý qajettigi aıtylady. Sondyqtan da biz qazaq ulttyq oıyndaryn jańǵyrtyp, asyq-terapııany nasıhattap júrmiz. Bul balalardy uıymshyldyqqa, dostyqqa baýlıdy, onyń ústine ol óte qarapaıym ári qoljetimdi», - deıdi Atyraýdaǵy balabaqshalardyń biriniń dırektory Gúlbaný Qonaeva.
