Atyraýdaǵy áıelder túrmesinde kúnine 1000 medıtsınalyq maska tigiledi
ATYRAÝ. QazAqparat – Atyraýdaǵy áıelder túrmesinde kúnine 1000 medıtsınalyq maska tigiledi, dep habarlaıdy QazAqparat.
Atyraý oblysy boıynsha Qylmystyq-atqarý júıesi departamenti baspasóz qyzmetiniń málimetine súıensek, bas bostandyǵynan aırylǵan áıelder tikken medıtsınalyq maskamen birinshi kezekte tártip saqshylaryn qamtý kózdelip otyr. Qazir mekemedegi tigin tsehynda 12 áıel medıtsıanlyq maska tigýge otyrdy. Olar kúnine 1000 maska tigedi.
«Bul jumysqa tartylǵandardyń óz mindeti bar. Bireýleri úlgisin syzyp beredi. Ekinshileri úlgidegi syzyqpen kesedi. Úshinshisi rezeńkesin daıyndaıdy. Medıtsınalyq maskaǵa qajettiniń bári daıyn bolǵan soń, tigin mashıkasynda otyrǵandarǵa jetkiziledi. Osylaısha, maskany daıyndaý protsesi 5 mınýtqa ǵana sozylady», - dep habarlady departamenttiń baspasóz qyzmeti.
