Atyraýdaǵy aýylda tigin isine oqytatyn ortalyq ashyldy
ATYRAÝ. QazAqparat – Atyraý qalasynyń irgesindegi Tomarly aýylynda tigin isine oqytatyn ortalyq ashyldy, dep habarlaıdy QazAqparat.
Atyraý qalasynyń ákimdigi ortalyq úshin arnaıy oryn usynǵan. Al, is tigetin mashınkalardy oblystyq máslıhattyń depýtaty, «Azamattyq Alıans» qoǵamdyq birlestiginiń jetekshisi Álibek Semǵalıev satyp alyp bergen.
«Bul – kishkentaı balalaryn tárbıelep otyrǵan, múmkindigi shekteýli áıelderdi jumyspen qamtýdyń bir túri. Endi sondaı áıelder kıim tigýdi úırenýge, otbasylyq bıýdjetin tolyqtyrýǵa jaqsy múmkindik alyp otyr» - deıdi Álibek Semǵalıev.
Atalǵan ortalyq jetekshisi Gúlsim Bıtashevanyń aıtýynsha, is tigý kýrsyna 15 áıel jazylǵan. Onyń ishinde úsh áıel – ІІ toptyń, bir áıel – ІІІ toptyń múgedegi. Úsheýi – kóp balaly ana. Endi olar tegin dáris alady.
«Kıim tigý bıznesi – shyǵarmashylyq, dızaınerlik ıdeıalardy júzege asyratyn múmkindiktiń biri. Mundaı qyzmet túri tabys tabýdyń kózi bola alady. Munda áıelder otbasy músheleri úshin qajet kıimniń túrlerin pishýdi, tigýdi úırenedi. Qazaqtyń ulttyq kıimderin tigý tásilderin meńgeredi» - deıdi Gúlsim Bıtasheva.
Eske sala ketelik, budan buryn Atyraýda burynǵy toıhana tigin tsehyna aınalǵan bolatyn.
