Atyraýdaǵy «Atyrau Marathon 2019» qaıyrymdylyq marafonyna 3 myń adam qatysty
Bul básekege birqatar qalalar men memleketterden 3 myńǵa jýyq qatysýshy jınaldy. Olar 42, 21, 10, 3 jáne 1,2 shaqyrymdyq qashyqtyq boıynsha júgirip ótti.
Barlyq márege jetkender medaldarmen marapattaldy. Jeńimpazdarǵa aqshalaı júldeler men syılyqtar tabystaldy.
Sonymen, marafonnyń eń eresek qatysýshysy 72 jastaǵy ýltramarafonshy Ámegúlsin Musylmanovaataldy. Al júgirýshiler arasynda jeńiske degen jigeri úshin múmkindigi shekteýli 58 jastaǵy jazǵy paralımpıadashy, óziniń búgin 120-shy marafonyn júgirgen Oleg Sysolıatın marapattaldy.
Rekordshy Marat Jylqybaev jarystyń qurmetti qonaǵy boldy.
"Atyrau Marathon 2019" erler arasynda úshinshi márte absolıýtti jeńimpazy bolyp 42 shaqyrymdy júgirip ótken 25 jasar Bazarbaı Daýtalıev marapattalsa, áıelder arasynda Ámına Zınorova úzdik kórsetkishke qol jetkizdi.
Aıta keteıik, "Atyrau Marathon 2019" qaıyrymdylyq marafony «Jastar jyly» aıasynda ótti. Barlyq túsken qarjy qaıyrymdylyq baǵytynda jumsalady.
