Atyraýdaǵy «Aq Jaıyq» tabıǵı rezervaty áli órtenip jatyr
ATYRAÝ. QazAqparat - Atyraýdaǵy «Aq Jaıyq» tabıǵı rezervaty áli órtenip jatyr, dep habarlaıdy QazAqparat tilshisi.
«Aq Jaıyq» rezervatyndaǵy órt 16 shildede bastaldy, oblys ortalyǵynyń búkil aýmaǵyn tútin basty. Janyp jatqan qamystyń negizinen batpaqty jerlerde ósýine baılanysty órtti aýyzdyqtaý múmkin bolmaı otyr. Mamandar tehnıkanyń joqtyǵyn alǵa tartýda.
Keshe tabıǵı qoryqtyń 18 gektar aýmaǵy órtendi. Órt áli jalǵasyp jatyr.
Búgin «Aq jaıyq» rezervatynda bastalǵan órt úshinshi kúnge jalǵasýda. Biraq jel baǵytynyń ózgerýine baılanysty, órtten shyqqan tútin Kaspıı teńizine qaraı oıysty. Atyraýlyqtar úshin dem alý jeńildegenimen, báribir janǵan qamystyń ıisi sezilip tur.
Oblystyq Tótenshe jaǵdaılar departamentiniń baspasóz qyzmeti habarlaǵandaı, órtti sóndirýge 50 adam jumyldyryldy.
17 shilde kúni, «Kazavıaspas» AQ-nyń Mı-8 tikushaǵy da órt sóndirýge jumyldyrylyp, táýligine 70 tonnaǵa jýyq sý shashty.
