Atyraýdaǵy 5 mektepti jóndeýden ótkizýge 1,7 mlrd teńge jumsalmaq
Oblystyq bilim basqarmasynyń basshysy Gúlnár Sadýahasovanyń aıtýynsha, 5 mektepte kúrdeli jóndeý júrgizý josparlanyp otyr.
«Kúrdeli jóndeý jumystary júrgiziletin mekteptiń bári Atyraý qalasynda ornalasqan. Bular – №19 Q.Sátpaev atyndaǵy, №13 D.Baıbosynov atyndaǵy jáne №27, 31, 27-mektepter. Bes mekteptiń kúrdeli jóndeý jumystaryna 1 mlrd 740 mln teńge bólindi. Osyǵan baılanysty oqýshylaryn tórtinshi toqsanda atalǵan bilim ordalarynyń onlaın formatta oqýǵa kóshirý týraly josparlanǵan edi. Keıin №19, 27 jáne 31-mektepterdiń oqýshylaryn qashyqtan oqýǵa jiberýge sheshim qabyldandy. Al, №13 jáne 22-mekteptiń oqýshylary sabaǵyn burynǵysha jalǵastyra beredi», -dep habarlady Gúlnár Sadýahasova.
Onyń aıtýyn qaraǵanda, kúrdeli jóndeý jumystary 3,5 aıdan 6,5 aıǵa deıin sozylýy múmkin.
«Sol sebepten, jóndeý jumystaryn erte bastaýdy jón kórdik. Óıtkeni, mektepterdiń shatyryna da jóndeý júrgiziledi. Ony kúzgi jaýyn-shashynǵa deıin bitirý qajet. Ata-analar mekteptegi jóndeýdi erte bastaýǵa osyndaı sebep arqaý bolǵanyn túsinistik qabyldaǵany jón. Biz de oqýshylardyń mektepten bilim alǵanyn qalaımyz. Oqýshylardy qashyqtan oqytý úshin mektepten kompıýter beriledi», -dep málim etti Gúlnár Sadýahasova.
Eske sala ketelik, budan buryn Atyraýda bes mekteptiń oqýshylary tórtinshi toqsandaǵy sabaqty onlaın oqıtynyn https://kaz.inform.kz/news/atyrauda-bes-mekteptin-okushylary-tortinshi-toksandagy-sabakty-onlayn-okidy_a4048971 habarlaǵan bolatynbyz.
Soondaı-aq, Atyraýda tóbesi tesik mekteptiń bastaýysh synyp oqýshylary onlaın oqýǵa jiberilgenin jazǵan edik.
