Atyraýdaǵy 39 kóshege jańa jaryq júıesi ornatylady
ASTANA. QazAqparat - Atyraýdaǵy 39 kóshege jańa jaryq júıesi ornatylady. Jaryqtandyrý memlekettik-jekeshelik áriptestik jobasy aıasynda júzege asýda, dep habarlaıdy Atyraý oblystyq óńirlik kommýnıkatsııalar qyzmeti.
Aǵymdaǵy jyldyń 5 shildesinde Atyraý oblystyq Energetıka jáne turǵyn úı-kommýnaldyq sharýashylyǵy basqarmasy men «Batys tranzıt» aktsıonerlik qoǵamy arasynda «Atyraý qalasynyń kóshelerin jaryqtandyrý jelisin salý jáne paıdalaný» jobasyn iske asyrý týraly alǵashqy memlekettik-jekemenshik áriptestik kelisim sharty jasalǵan bolatyn.
Joba sheńberinde 2017 jyldyń jeltoqsan aıynyń sońyna deıin jáne 2018 jyly Atyraý qalasynyń 39 kóshesine 2816 jaryq shamdaryn ornatý josparlanǵan. Jaryqtandyrý barysynda jańa tehnologııalar men zamanaýı LED- jaryq shamdaryn ornatý eskerilgen.
Qazaqstan Respýblıkasy Táýelsizdigi merekesi qarsańynda qala jáne qala mańyndaǵy 5 kóshege: oblys ortalyǵyndaǵy Berǵalıev kóshesinen Baımuhanova kóshesine deıin, Vodnıkov aýylyndaǵy Pervomaıskaıa kóshesine, Proezd-1, Qarabaý kóshelerine, Kókarna aýylyndaǵy 13 kósheden 7 kóshege deıin, 7 kósheden 12 kóshege deıin jaryq shamdary ornatylady.
