Atyraýdaǵy №3 emhana qashyqtan jumys isteýge kóshti
ATYRAÝ. QazAqparat –Atyraý qalasyndaǵy №3 emhana qashyqtan jumys isteýge kóshti, dep habarlaıdy QazAqparat.
Óńirlik kommýnıkatsııalar qyzmetiniń habarlaýynsha, buǵan besinshi naýqastyń osy emhanada jumys istegeni sebep bolǵan. Medbıke 17 naýryzda «Almaty-Atyraý» baǵytymen kelgen qyzdan qan synamasyn alǵan. Búgin jergilikti turǵynda koronavırýs ınfektsııasynyń oń nátıjesi rastaldy.
«Koronavırýs juqtyrǵan naýqaspen 27 baılanysýshynyń bar ekendigi belgili boldy. Olardyń barlyǵy oqshaýlanyp, karantınge jatqyzyldy» -dep habarlady óńirlik kommýnıkatsııalar qyzmeti.
Atyraý oblystyq densaýlyq saqtaý basqarmasynyń habarlamasyna sáıkes, №3 qalalyq emhana 30 naýryz, dúısenbiden bastap qashyqtan jumys isteý rejımine kóshti. Medıtsınalyq mekemege jappaı dezınfektsııalaý jumystary júrgizilmek.
foto: atpress.kz
