Atyraýdaǵy 22 naýqastyń indetti qaıdan juqtyrǵany belgili boldy
ATYRAÝ. QazAqparat –Atyraý oblysynda koronavırýs ınfektsııasy anyqtalǵan 22 naýqastyń qaýipti indetti qaıdaı juqtyrǵany belgili boldy, dep habarlaıdy QazAqparat.
Óńirlik kommýnıkatsııalar qyzmetiniń habarlaýynsha, qazir Atyraýda 22 adamnan koronavırýs ınfektsııasy anyqtalǵan. Onyń 4-eýi indetti shetelden juqtyryp kelgen. Al, 7-eýi kórshi oblystardan juqtyryp alǵan. Sondaı-aq, jergilikti 11 turǵyn Atyraýda atalǵan ınfektsııaǵa dýshar bolyp otyr.
«Dárigerlerdiń aıtýynsha, 7 naýqastyń jaǵdaıy turaqty, 8-iniń ahýaly – qanaǵattanarlyq, 5-eýiniń jaǵdaıy ortasha dárejedegi aýyr bolsa, 2 patsıentte pnevmonııa bar. Olardyń dene qyzýy joq. Naýqastardyń eshqaısysyn IVL apparatyna qosý qajettigi týyndamady» dep habarlady Ortalyq kommýnıkatsııalar qyzmetiniń óńirlik fılıaly.
