Atyraýdaǵy №1 emhananyń medıtsına qyzmetkerlerine ótemaqy tólenedi
Bul týraly QR Densaýlyq saqtaý mınıstrliginiń resmı saıtynan málim boldy, dep habarlaıdy QazAqparat tilshisi.
Buǵan deıin №1 alǵashqy medıtsınalyq uıymnyń dárigerleri aımaqtyq densaýlyq saqtaý basqarmasyna olardyń áleýmettik tólemder taǵaıyndaý týraly ótinishterin qaraýdan bas tartý týraly shaǵym jasaǵan. Olardyń aıtýynsha, emhana qyzmetkerleriniń kópshiligi koronavırýspen aýyrǵan.
Jalpy alǵanda, oblystyq komıssııanyń qaraýyna №1 emhana ákimshiligi 33 medıtsına qyzmetkeriniń qujattaryn usynǵan, 10 ótinish maquldandy. Qazaqstan Respýblıkasy Densaýlyq saqtaý mınıstrligi men QR EHÁQM-niń 2020 jylǵy 10 qazandaǵy №129 birlesken buıryǵyna ózgerister engizilgennen keıin, búgin oblystyq komıssııa músheleri 23 adamnyń qujattaryn qaıta qarady, 22 ótinish boıynsha dálelder arqyly bas tartyldy, al 1 qujat boıynsha oń sheshim qabyldandy.
Búgingi kúni Atyraý oblysynda barlyǵy 1105 medıtsına qyzmetkeri aýyrǵan, onyń 955-i aımaqtyq komıssııalarda qaralǵan, ınfektsııalardyń tek 67% -y rastalǵan nemese 476 jaǵdaı kásibı qyzmetti júzege asyrýmen baılanysty. Ótemaqyny medıtsına qyzmetkerleriniń 90% -y aldy (476 adamnyń 427-si), olar kásibı qyzmeti barysynda ınfektsııa juqtyrǵan.
Eske sala keteıik, tólem protsedýralaryn jeńildetý maqsatynda 2020 jyldyń 10 qazanynda Densaýlyq saqtaý mınıstrligi men Eńbek jáne halyqty áleýmettik qorǵaý mınıstrliginiń naýqas jáne qaıtys bolǵan medıtsına qyzmetkerlerine birjolǵy áleýmettik tólemder týraly birlesken buıryǵyna túzetýler engizildi, bul ótemaqylardy qaraý jáne taǵaıyndaý protsedýralaryn edáýir jeńildetti.