Atyraýda jylyna 65 mıllıon jumyrtqa óndiriledi
ATYRAÝ. QazAqparat - Atyraýda jylyna 65 mıllıon jumyrtqa óndiriledi, - dep habarlaıdy "QazAqparat" HAA tilshisi.
Atyraýdaǵy "Almaly qus" kásiporny jylyna 65 mıllıon jumyrtqa óndirip otyr. Buǵan deıin 3 ese az ónim shyǵaryp kelgen kompanııa bul kórsetkishke aımaqtaǵy "Atyraý" áleýmettik-kásipkerlik korporatsııasynyń kómeginen soń qol jetkizdi. Jobaǵa 40 mıllıon teńge ınvestıtsııalyq zaım berilip, zaýyttaǵy taýyqtardyń sany 100 myńnan 200 myńǵa deıin kóbeıgen.
2013 jyly qurylǵan qus fabrıkasy qazir oblys halqynyń suranysyn 70 paıyzǵa ótep otyr.
Aımaqta jumys istep turǵan jemister men kókónisterdi óńdeý, olardy qalbyrlaý, mal júnin óńdep, taýar shyǵarý zaýyttaryna da jalpy kólemi 130 mıllıon teńgege jýyq aqsha bólindi.
Qazir áleýmettik-kásipkerlik korporatsııasy ınvestorlarmen birigip quny 107 mıllıard teńge bolatyn 35 jobany júzege asyrady.
