Atyraýda jylyna 30 mln bekire shabaǵy ósirilmek
ATYRAÝ. QazAqparat - Atyraýda bekire tuqymdas balyqtardyń shabaqtaryn ósiretin eki balyq ósirý zaýyty rekonstrýktsııalanady, dep habarlaıdy «QazAqparat» HAA tilshisi.
«Jaıyq-Kaspıı jáne Atyraý balyq ósirý zaýyttarynyń jobalyq-smetalyq qujattamasy daıyndalyp jatyr. Barlyq jabdyqtar jańartylyp, bógen sharýashylyǵy keńeıtiledi, qubyr júıesi almastyrylady. Jańartý aıaqtalǵannan keıin eki zaýytyń jalpy qýaty jylyna 30 mıllıon bekire shabaǵyn ósirýge jetetin bolady», - dep habarlady QR Aýyl sharýashylyǵy mınıstrligi Orman jáne janýarlar álemi komıtetiniń atqarýshy tóraǵasy Marlen Aınabekov.
Qazirgi ýaqytta 90-jyldardyń ortasynda salynǵan eki zaýyttyń qýaty - jylyna 7 mıllıon shabaqty quraıdy.
