Atyraýda jylý jelileri tireginiń jyljýyna baılanysty ortalyq kópir jabyldy
Qala turǵyndary kópirdegi kólik qozǵalysynyń toqtaǵanyn áleýmettik jeli arqyly bilgen. Jeli qoldanýshylary «Atyraý jylý júıesi» AQ prezıdentiniń atqarýshy bılik pen TJD-ǵa joldaǵan hatyn jarııalaǵan.
«Tekserý barysynda ortalyq kópir arqyly ótetin dıametri 426 mm jylý jelileri tireginiń qozǵalǵany anyqtaldy. Sońǵy eki kún ishinde jylý jelileriniń tiregi men qurylymdarynyń buzylýy saldarynan 70 mm jyljyǵan. Bul protsess áli jalǵasyp jatyr. Jarylys qaýpine baılanysty kópirdegi kólik qozǵalysyn osy jyldyń 10 qańtarynan bastap toqtatý turýdy suraımyz», - delingen hatta.
Bul qozǵalystyń qanshalyqty qaýipti ekeni jáne jóndeý jumystary qaı ýaqytqa deıin sozylatyny belgisiz. Qalalyq ákimdiktiń baspasóz qyzmeti kópirdiń jóndeý jumystary aıaqtalǵannan keıin ashylatynyn habarlady.
Turǵyndar áleýmettik jelilerde keıbir úılerde ystyq sý men jylýdyń ýaqytsha toqtatylǵandyǵyn jazyp jatyr. Búgin Atyraýda alǵashqy qalyń qar jaýyp, aýa temperatýrasy mınýs 4 gradýsqa deıin tómendedi.
Avtor:
A. Sokolov
Illıýstratsııalyq foto: www.renar.nnov.ru
