Atyraýda jylý máselesi arnaıy komıssııanyń baqylaýyna alyndy
«Qazgıdromet» RMK Atyraý oblysy boıynsha fılıaly aýa raıyn boljaý bóliminiń basshysy Aına Qazǵulovanyń aıtýynsha, arktıkalyq antıtsıklon áserinen oblysta aldaǵy 3 kúnde jaýyn-shashynsyz jáne aıaz bolady.
«Atyraý oblysynda aýa temperatýrasy kúndiz -18, -23°C, túnde -22, -27 gradýsqa deıin tómendeıdi. Óńirdiń soltústiginde -26, -30°C aıaz kútilip otyr», -deıdi Aına Qazǵulova.
Oblystyq energetıka jáne turǵyn úı-kommýnaldyq sharýashylyǵy basqarmasy basshysynyń orynbasary Serikqalı Qanapınniń málimetinshe, turǵyn úıler men áleýmettik nysandardy jylýmen qamtýda qıyndyq týyndamaǵan. Qazir «AtyraýJylýElektrOrtalyǵy» AQ syrtqy aýa temperatýrasyna sáıkes bekitilgen temperatýralyq grafık negizinde jumys istep tur. Kásiporynnyń bekitilgen jylý qýaty – 798 Gkal/saǵ.
«Qazir oblysta 412 bilim berý, 144 densaýlyq saqtaý nysandary men 1798 kópqabatty turǵyn úıge, oonyń ishinde qaladaǵy 1224 kópqabatty turǵyn úıge tolyqtaı jylý berildi. Oblysta apattyq jaǵdaılardyń aldyn alý úshin quramyna qala, aýdan ákimderi men mekemelerdiń jaýapty tehnıkalyq qyzmetkerleri engizilgnen apattyq brıgadalar bekitildi. Jylý berý maýsymynyń ótý barysy oblystyq vedomostvoaralyq komıssııanyń únemi baqylaýyna alyndy», -dep málim etti Serikqalı Qanapın.
Eske sala ketelik, buǵan deıin Atyraýdaǵy shaǵyn aýdanda qubyrdan aqaý tabylyp, jylý berý ýaqytsha toqtatylǵan edi.
Keıin Atyraýda apat joıylyp, barlyq úıge jylý berildi.