Atyraýda jylý baǵasy 1,4% ósti
ATYRAÝ. QazAqparat - Atyraýda 2018 jylǵy 1 qańtardan bastap jylýdyń tarıfi 1,4%-ǵa artty, dep habarlaıdy «QazAqparat» HAA tilshisi.
«2015 jyly Atyraý oblysy boıynsha tabıǵı monopolııalardy retteý jónindegi departamenttiń buıryǵymen Atyraý JEO AQ-nyń jylý energııasyna qoıylatyn shektik deńgeıleri bekitilgen bolatyn. Ol tarıfter 2016-2020 jyldarǵa bekitilgen. Bekitilgen deńgeılerge sáıkes, 2018 jylǵy 1 qańtardan bastap jylýdyń tarıfi jylý eseptegishin qoıǵan turǵyndar úshin 1 gkal baǵasy 3752,97 teńgeden 4181,64 teńgege deıin, eseptegish ornatpaǵan turǵyndar úshin 1 sharshy metr baspana úshin 126,47 teńgeden 128,24 teńgege deıin kóterildi. Al 1 tekshe metr sýyq sýdy jylytý quny 195,57 teńgeden 198,31 teńgege deıin, ıaǵnı ortasha 1,4%-ǵa ósti», - deıdi Atyraý oblysy boıynsha tabıǵı monopolııalardy retteý jónindegi departament basshysynyń mindetin atqarýshy Bolat Súleǵalıev.
Monopolııaǵa qarsy kúres departamentindegilerdiń aıtýynsha, tarıftiń artýy Atyraý TEO-nyń 2016-2020 jyldarǵa kózdelgen jalpy quny 1 mlrd 18 mln teńge bolatyn ınvestıtsııalyq baǵdarlamasyn júzege asyrýyna baılanysty.
