Atyraýda jylqy úıirin aıyppul turaǵyna qamady
ATYRAÝ. QazAqparat - Atyraýda qala kóshelerinde bos júrgen jylqy úıiri qamaldy, dep habarlaıdy «QazAqparat» HAA tilshisi.
«Jylqylar jasyl jelekti jep qana qoımady, kósheden kóshege ótip kólik qozǵalysyna bóget jasady. Amal joq, 13 jylqyny jáne úsh qulyndy «Arnaıy avtobaza» kommýnaldyq qyzmetiniń aıyppul turaǵyna aparýǵa týra keldi. Jylqylardyń ıesi belgili boldy. 45 380 teńge kóleminde aıyppul tólegen soń malyn ákete alady»,-dep málim etti aımaq ІІD baspasóz qyzmeti.
