Atyraýda jyl basynan beri túnimen qydyrǵan 1500 jasóspirim ustaldy
ATYRAÝ. QazAqparat – Atyraýda jyl basynan beri túnimen qydyrǵan 1500 jasóspirim ustaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, túnimen kóshe kezgen 1500-ge jýyq kámeletke tolmaǵan jasóspirimniń ata-anasy QR Ákimshilik quqyqbuzýshylyq týraly kodeksiniń 442-babymen ákimshilik jaýapqa tartylǵan.
«Atyraý qalalyq polıtsııa basqarmasynyń tártip saqshylary quqyq buzýshylyq jasaýǵa beıim kámeletke tolmaǵandardy, sondaı-aq, óz balalaryn tárbıeleýmen aınalyspaıtyn ata-analardy únemi qadaǵalaıdy. Osyǵan baılanysty júrgizilgen reıdterdiń nátıjesinde bıylǵy 11 aıda kámeletke tolmaǵan 52 jasóspirimdi, qolaısyz 28 otbasynyń 51 balasyn basqarmanyń esebine aldy», -deıdi Atyraý qalalyq polıtsııa basqarmasy bastyǵynyń mindetin atqarýshy, polıtsııa podpolkovnıgi Erlan Bıǵambaev.
Eske sala ketelik, budan buryn Atyraýda mas kúıde kólik júrgizgen jigit b as bostandyǵynan aıyrylǵanyn jazǵan bolatynbyz.
