Atyraýda jyl basynan beri kólik tizgindegen 15-ke jýyq jasóspirim ustaldy
3 sáýir kúni saǵat 15:29 shamasynda Atyraý qalasy polıtsııa basqarmasynyń Jedel basqarý ortalyǵynyń beınebaqylaý qyzmetkerleri ákimshilik aýmaqty qaraý barysynda Taımanov kóshesi boıymen Lada granta avtokóliginiń júrgizýshisi qaýipsizdik beldigin taqpaı kele jatqanyn anyqtap, Batys-25 qyzmetkerlerine baǵyttama bergen.
Atalǵan avtokólikti polıtseıler Sátbaev kóshesi boıynan toqtatyp, tekserý barysynda kólik júrgizýshisiniń 18 jastaǵy jasóspirim ekendigi belgili bolǵan.
Oǵan qatysty QR ÁQBtK-niń 612-babynyń 2-bóligimen, QR ÁQBtK-niń 593-babynyń 2-bóligimen ákimshilik hattama jasaqtalyp, barlyǵy 45 945 teńge kóleminde aıyppul salyndy.
Sondaı-aq, avtokólik arnaýly turaqqa qoıyldy.
Eske sala keteıik, Atyraýlyq tártip saqshylary jyl basynan beri kólik tizgindegen 15-ke jýyq jasóspirimdi anyqtady.
