Atyraýda jyl basynan beri 720 alaıaqtyq deregi anyqtaldy
ATYRAÝ. QazAqparat – Atyraý oblysynda jyl basynan beri 720 alaıaqtyq deregi anyqtaldy, dep habarlaıdy QazAqparat.
Oblystyq polıtsııa departamenti tergeý basqarmasynyń basshysy Nurmuhambet Mýtalıevtiń málimetine súıensek, onyń işinde ınternet-alaıaqtyqqa qatysty 407 derek tirkelgen.
«Atyraýda ınternet-alaıaqtyq áleýmettik jeliler men habarlandyrý saıttary arqyly jıi jasalady. Soǵan baılanysty oblystyq polıtsııa departamenti jyl basynan beri «Anti Fraud» jedel-profılaktıkalyq is-sharasyn uıymdastyrdy. Sonyń nátıjesinde ótken jyldarda jasalǵan 21 quqyq buzýshylyq anyqtalyp, qazir tergeý amaldary júrip jatyr», - deıdi tergeý basqarmasy bastyǵy Nurmuhambet Mýtalıev.
Al, krımınaldy polıtsııa basqarmasy basshysynyń orynbasary Aman Іzmaǵambetovtiń aıtýynsha, Іshki ister mınıstrliginiń tapsyrmasyna sáıkes 2021-2022 jyldarǵa arnalǵan aqparattyq tehnologııalarmen jasalatyn alaıaqtyqty anyqtaý, tergeýge baılanysty arnaıy baǵdarlama daıyndalǵan.
«Tergeý kezinde alaıaqtyq qylmysyn ózge óńir turǵyndary jasaıtyny anyqtaldy. Sonyń ishinde Óskemen qalasy turǵynynyń 13 epızodqa qatysy dáleldendi. Al, Pavlodar qalasy turǵynynyń 8 derekke qatysy bar bolyp shyqty. Qazir bul isterge qatysty protsessýaldyq sheshim qabyldandy» dep málim etti Aman Іzmaǵambetov.
Eske sala ketelik, buǵan deıin Atyraýda 60 adamdy jumysqa ornalastyrýǵa ýáde bergen alaıaq ustalǵanyn habarlaǵan bolatynbyz.
