Atyraýda jyl basynan beri 5 bala terezeden qulap, ekeýi qaıtys bolǵan
ATYRAÝ. QazAqparat – Atyraýda jyl basynan beri 5 bala terezeden qulap, ekeýi qaıtys bolǵan, dep habarlaıdy QazAqparat.
Buǵan deıin Atyraýda 1 jasar egiz balalar úshinshi qabattyń terezesinen qulaǵanyn, bireýi qaıtys bolǵanyn habarlaǵan edik.
Oblystyq tótenshe jaǵdaılar departamenti baspasóz qyzmetiniń málimetinshe, terezeden 5 jasqa deıingi balalardyń qulaýy toqtamaı tur.
«Ata-analar páter terezelerine tor ornatpaıdy. Balalaryn qaraýsyz qaldyrady. Osyndaı jaýapsyzdyqtyń saldarynan balalar oqys oqıǵaǵa urynyp jatady. Atyraýda byltyr 5 bala terezeden qulap, 4-eýi jaraqat aldy. Al, bıyl jyl basynan beri 5 bala terezeden qulap ketti. Onyń 3-eýi jaraqat alyp, 2-eýi qaıtys boldy» dep habarlady departamenttiń baspasóz qyzmeti.
