Atyraýda jyl basynan beri 42 adam jemqorlyq boıynsha sottalǵan
Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti basshysynyń birinshi orynbasary Aıdos Mamyttyń málimetinshe, jyl basynan beri 42 adam sottalǵan.
«Bıylǵy 10 aıda sybaılas jemqorlyqqa qatysty 59 quqyq buzýshylyq tirkeldi. Al, ótken jyly osyndaı 92 derek anyqtalǵan edi. Jyl basynan beri 42 adam sottaldy. Onyń
ishinde 6 memlekettik organdardyń birinshi basshysy bar. Qazynaǵa 552 mln teńge qaıtaryldy. Sybaılas jemqorlyq quqyq qorǵaý salasynda (18 derek), ákimdikter (13 derek) pen salyq organdarynda (11 derek) jıi anyqtalady» -deıdi Aıdos Mamyt.
Eske sala ketelik, budan buryn Atyraý oblystyq mamandandyrylǵan kúzet qyzmeti basqarmasy men oblystyq bilim basqarmasy basshysynyń burynǵy orynbasarlary 7 jylǵa bas bostandyǵynan aıyrylǵanyn habarlaǵan edik.