Atyraýda jyl basynan beri 38 adamdy ıt qapqan
ATYRAÝ. QazAqparat – Atyraý qalasynda jyl basynan beri 38 adamdy ıt qapqan, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetine súıensek, ıt talaǵan adamdar dárigerlerdiń medıtsınalyq kómegine júginýge májbúr bolǵan.
«Atyraý qalasynda jyl basynan beri 38 adamdy ıt qapqan deregi tirkeldi. Qabaǵan ıttiń talaýyna túsken adamdar aýrýhanaǵa qaralyp, dárigerlerdiń medıtsınalyq kómegine júgingen. Sondaı-aq, ıtin tumyldyryqsyz alyp júrgeni úshin 150-ge turǵyn QR Ákimshilik quqyq buzýshylyq týraly Kodeksiniń 408-babymen ákimshilik jaýapkershilikke tartyldy» -dep habarlady departamenttiń baspasóz qyzmeti.
Eske sala ketelik, buǵan deıin Atyraýda bir aptada 9 balany ıt qapqanyn habarlaǵan bolatynbyz.
