Atyraýda jyl basynan beri 19 tutynýshyǵa 1 mln-nan astam teńgesi qaıtarylǵan

ATYRAÝ. QazAqparat – Atyraýda jyl basynan 19 tutynýshyǵa 1 mln-nan astam teńgesi qaıtarylǵan, dep habarlaıdy QazAqparat.

Atyraý oblystyq Tutynýshylardyń quqyqtaryn qorǵaý departamentiniń basshysy Álem Ýálıevtiń málim etýinshe, jyl basynan beri 30 tutynýshy konsýltatıvtik keńes alǵan. Al, 27 tutynýshy telefon jelisi arqyly habarlasqan.

«Bizdiń departamentke osy kezge deıin 98 aryz tústi. Onyń ishinde 63 aryzǵa qatysty túsindirý jumysy júrgizildi. Al, 19 aryzǵa tolyqtaı jaýap berilip, tutynýshylarǵa 1 147 570 teńge keri qaıtaryldy. Sondaı-aq, 16 aryz boıynsha kóterilgen máselelerdi sheshý departamenttiń quzyretine jatpaıtyndyqtan, tıisti quzyrly organdarǵa joldandy. Qazir tutynýshylardyń quqyqtaryn qorǵaý úshin áleýmettik jelilerde paraqshalar ashylyp, baılanys telefony iske qosyldy», - dedi Álem Ýálıev.