Atyraýda «Jýsan» operatsııasy boıynsha elge oralǵan áıelder maska tigip jatyr
Igi bastama «Shapaǵat» destrýktıvti dinı aǵymdardan japa shekkenderge kómek ortalyǵy» qoǵamdyq qorynyń uıymdastyrylýymen júzege asyrylyp otyr. Maqsat – tótenshe jaǵdaıǵa baılanysty kómekke muqtaj jandarǵa qyzmet kórsetý, onyń ishinde balalar men qarttar úıine jáne az qamtylǵan otbasylar men qala turǵyndaryna járdemdesý.
Jýyrda qolǵa alynǵan bul bastamaǵa on beske jýyq áıel jumyldyrylǵan. Olar kúnine 300 medıtsınalyq betperde tigip, halyqqa taratady.
«Quranda bir-birlerińe jaqsylyqta kómektesińder dep jazylǵan. Sol úshin, bárimiz birimiz úshin, birimiz bárimiz úshin dep kómek retinde osyndaı is atqarýdamyz. Materıalyn aıtar bolsam, maqta matadan tigilip jatyr. Bul maskalardy birneshe ret jýyp qaıta paıdalanýyna bolady, -deıdi «Shapaǵat» destrýktıvti dinı aǵymdardan japa shekkenderge kómek ortalyǵynyń qyzmetkeri Perızat Erkebaı.
