Atyraýda jýrnalısterge saılaý úderisi týraly túsindirme berildi
ATYRAÝ. 7 naýryz. QazAqparat /Andreı Sokolov/ - Atyraýda «QR Prezıdentiniń kezekten tys saılaýyna daıyndyq jáne ony ótkizý kezeńinde buqaralyq aqparat quraldarynyń qyzmetin quqyqtyq úılestirý» taqyrybyna arnalǵan semınar ótti.
Semınarǵa oblystyq baspasóz jáne elektrondyq buqaralyq aqparat quraldarynyń qyzmetkerleri qatysty. Atyraý oblystyq aýmaqtyq saılaý komıssııasynyń ókilderi jýrnalısterge aldaǵy saılaýdyń mán-jaıy týraly áńgimelep berdi. Saılaý týraly zańnyń baptary men saılaýaldy úgit-nasıhat naýqanyn júrgizý jumystaryna qatysty oǵan engizilgen ózgertýlerge túsindirme jasaldy.
