Atyraýda júrgizýshi áıel 1 mln teńgeden asatyn 54 aıyppulyn tólemegen
Oblystyq Polıtsııa departamenti baspasóz qyzmetiniń málimetinshe, bir aptada aıyppulyn tólemeı júrgen 56 avtokóliktiń ıesi anyqtalǵan.
«Atalǵan avtokólikterdiń júrgizýshileri jyldamdyqty asyrý, jol belgisi talaptaryn oryndamaý, baǵdarshamnyń tyıym salynǵan túsinen ótý faktilerimen «Sergek» kameralaryna túsken.
Patrýldik polıtsııa qyzmetkerleri 30 shildede saǵat 11:10 shamasynda Mahambet kóshesi men Beıbarys dańǵylynyń qıylysynda «Toyota Camry» avtokóligin toqtatty. Armenııadan ákelingen kólikti 1974 jyly týǵan áıel basqarǵan. Tekserý kezinde atalǵan kólik ıesiniń 1 mln 38 452 teńgeni quraıtyn 54 aıyppuldy tólemegeni anyqtaldy», - dep habarlady departamenttiń baspasóz qyzmetinen.
Qazir QR Ákimshilik quqyqbuzýshylyq týraly kodeksiniń 785-babyna sáıkes aıyppuly tólenbegen armenııalyq kólik arnaýly turaqqa qoıyldy.
Eske sala ketelik, buǵan deıin Atyraýda bir aptada aıyppuly tólenbegen 42 kólik turaqqa qoıylǵan bolatyn.
