Atyraýda júrgizýshi 1,2 mln teńgeni quraıtyn 51 aıyppulyn tólemegen
Oblystyq polıtsııa departamenti baspasóz qyzmetiniń málimetinshe, aıyppulyn tólemeı júrgen júrgizýshi 25 sáýirde ustalǵan.
«Atyraý qalalyq polıtsııa basqarmasynyń jedel basqarý ortalyǵynyń beınebaqylaý qyzmetkerleri «Іnterceptor» izdeý júıesi arqyly Mahambet kóshesiniń boıynan «Chirman» markaly avtokóligin anyqtap, «Batys-23» ekıpajynyń qyzmetkerlerine baǵyttama bergen. Reseı Federatsııasynda esepte turǵan kólik Qurmanǵazy kóshesiniń boıynda toqtatyldy. Tekserý kezinde kólik júrgizýshisiniń 1 mln 200 myń 075 teńgeni quraıtyn 51 aıyppulyn tólemegeni anyqtaldy. Sondaı-aq, júrgizýshiniń qaýipsizdik beldigin taqpaǵany, mindetti saqtandyrý shartyn jasamaǵany belgili boldy», -dep habarlady departamenttiń baspasóz qyzmeti.
Kólik júrgizýshisine qatysty QR Ákimshilik quqyqbuzýshylyq týraly kodeksiniń 230-babynyń 2-bólimimen (Qazaqstan Respýblıkasynyń mindetti saqtandyrý týraly zańnamalyq aktisine sáıkes mindetti saqtandyrý shartyn jasasýǵa mindetti tulǵanyń mindetti saqtandyrý shartyn jasaspaýy) jáne 593-babynyń 2-bólimimen (Qaýipsizdik beldikterin nemese motoshlemderdi paıdalaný qaǵıdalaryn saqtamaý) ákimshilik hattamalar toltyryldy. Júrgizýshige 45 945 teńge kóleminde aıyppul salyndy.
Eske sala ketelik, buǵan deıin Atyraýda kólikten denesin shyǵarǵandarǵa aıyppul salynǵanyn jazǵan bolatynbyz.
