Atyraýda jumysyna ketip, joǵalǵan kúzetshiniń múrdesi Jaıyqtan tabyldy
ATYRAÝ. QazAqparat – Atyraýda jumysyna shyǵyp ketip, joǵalǵan kúzetshiniń múrdesi Jaıyqtan tabyldy, dep habarlaıdy QazAqparat.
Budan buryn 6 naýryzda keshki saǵat 19:00 shamasynda úıinen jumysyna shyǵyp ketip, iz-túzsiz joǵalǵan 54 jastaǵy kúzetshi izdestirilip jatqanyn habarlaǵan edik.
Kúzetshiniń joǵalǵany týraly polıtsııaǵa 9 naýryzda qaryndasynan habar túsken.
«Іz-túzsiz joǵalǵan azamattyń denesi 26 naýryzda saǵat 20:00 shamasynda Almaly eldi mekeni mańyndaǵy Býgorkı saıajaıy tusynan, Jaıyq ózeninen tabyldy. Múrdeni qaraý kezinde dene jaraqaty bolmady» - dep habarlady departamenttiń baspasóz qyzmetinen.
Belgili bolǵandaı, óńirde jyl basynan habar-osharsyz ketken 12 tulǵa izdestirilgen. Joǵalǵandardyń 9-y tabylǵan. Al, 3-eýi áli izdestirilip jatyr.
