Atyraýda Jumeken Nájimedenov atyndaǵy kórkem sóz oqý sheberleriniń konkýrsy bastaldy
Baıqaýǵa elimizdiń ár óńirinen kelgen 18-35 jas aralyǵyndaǵy 16 úmitker qatysyp jatyr. Olar Jumekenniń poezııa men proza janryndaǵy eki týyndysynan úzindi oqyp saıysatyn bolady. Sharanyń ashylý saltanatynda Atyraý oblysy ákiminiń orynbasary Aıbek Qrambaev qatysýshylarǵa óńir basshysy atynan alǵys bildirip, Jumeken Nájimedenov shyǵarmashylyǵyn nasıhattaýdyń jastar úshin mańyzdylyǵyn atap ótti. Respýblıkalyq konkýrs fınalısterin baǵalaıtyn qazylar alqasynyń tóraǵasy – QR Prezıdenti syılyǵynyń laýreaty, Qazaqstan Jazýshylar odaǵy basqarmasy tóraǵasynyń orynbasary Mereke Qulkenov. Sonymen birge, qazylar alqasy quramynda belgili óner jáne mádenıet qaıratkerleri: Baýyrjan Qarabekov, Jumabaı Qulıev, Serikqalı Hasan, Ábilhan Tóleýishov bar. Ádilqazylardyń aıtýynsha, qatysýshylardy baǵalaý barysynda olardyń kórkem mátindi oqý sheberligimen qatar, daýys mánerine jáne til tazalyǵyna, kórkem mátindi tańdaý talǵamy men sahnada ózin-ózi ustaýyna, tipti, tańdaǵan sahnalyq kıimine basa mán beriledi. Baıqaý jeńimpazdary dıplommen, alǵys hatpen jáne aqshalaı syılyqpen marapattalatyn bolady. Baıqaý 18 qazanda qorytyndylanady.
