Atyraýda júkti áıeldiń ólimine qatysty qylmystyq is qozǵaldy
ATYRAÝ. QazAqparat - Atyraýdaǵy júkti áıeldiń ólimine baılanysty qylmystyq is qozǵaldy, dep habarlaıdy QazAqparat tilshisi.
«Naýqas aýrýhanaǵa aýyr halde tústi. Jansaqtaý boıynsha jasalǵan arnaıy sharalar kelinshektiń ómirin qutqaryp qala almady. Qazirgi tańda sot-medıtsınalyq saraptama júrgizilip jatyr. Onyń nátıjesi boıynsha qyzmettik tergeý júrgiziledi. Atalmysh oqıǵaǵa qatysty qylmystyq is qozǵaldy», - dedi Atyraý oblysy Densaýlyq saqtaý basqarmasynyń baspasóz qyzmetinde.
Eske salaıyq, 12 qyrkúıek kúni Atyraýdaǵy perzenthanalardyń birinde 25 jastaǵy aıaǵy aýyr kelinshek kóz jumǵan edi. Sol úkni tańerteń júktiliktiń 38-39-shy aptasynda júrgen kelinshek ózin nashar sezinip turǵanyn aıtyp jedel járdemge habarlasqan.
