Atyraýda júk tıegish kólik kanalǵa túsip ketti
ATYRAÝ. QazAqparat – Atyraýda júk tıegish kólik tereńdigi 2 metrlik kanalǵa túsip ketti, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń aqparatyna súıensek, oqys oqıǵa Erkinqala aýylynyń mańyndaǵy «Rybohod» kanalynda bolǵan.
Departamenttiń dıspetcher pýltine saǵat 11:20-da «Rybohod» kanalyna júk tıegish kóliktiń batyp ketkeni týraly habar tústi.
49 jastaǵy azamat júk tıegish kóligimen kanaldyń arǵy betine ótpek bolǵan. Alaıda, muz oıylyp, kólik kanalǵa batyp ketken.
«Oqıǵa ornyna jedel jetken jedel-qutqarý jasaǵynyń qutqarýshylary atalǵan kanaldyń tereńdigi - 2 metr, muzdyń qalyńdyǵy - 30 sm bolatynyn anyqtady. Al, kóliktiń batyp ketken jeri jaǵadan shamamen 45 metr qashyqtyqta ekeni belgili boldy» dep habarlady departamenttiń baspasóz qyzmetinen.
Qutqarýshylar kanal muzyn oıyp, súńgýirler sý astyndaǵy kólikke arqandy bekitken.
Sodan keıin «DT-75» traktorynyń kómegimen júk tıegish kólikti jaǵaǵa súırep shyǵaryp, ıesine tabystady.
