Atyraýda júk poıyzy relsten shyǵyp ketti
ATYRAÝ. QazAqparat – Atyraý oblysynyń Inder aýdanynda júk poıyzy relsten shyǵyp ketti, dep habarlaıdy QazAqparat.
Oqys oqıǵa 20 tamyzda saǵat 05:00 shamasynda bolǵan.
«Inder-Temirjoly» JShS dırektorynyń orynbasary Berik Ishanǵalıevtyń aqparatyna qaraǵanda, Maqat stansasynan 16 júk vagonyn tirkegen teplovoz jolǵa shyqqan. Úsh vagonǵa júk tıelgen.
Qazirgi boljam boıynsha, apat teplovoz mashınısiniń uıyqtap qalýynan bolýy múmkin. Alaıda, mashınıst zardap shekpegen. Qazir atalǵan oqıǵaǵa oraı tekserý júrip jatyr.
