Atyraýda «Joldaǵy qabyldaýda» eki kúnde Armenııanyń 200-ge jýyq kóligi tirkeldi
ATYRAÝ. QazAqparat – Atyraýda polıtseıler júrgizýshilerge Armenııadan kirgizilgen avtomobılderdi tirkeýge kómektesip otyr, dep habarlaıdy QazAqparat.
«Atyraýda eki kúnge sozylǵan «Joldaǵy qabyldaý bólimi» atty aktsııa ótkizildi. Júrgizýshilerden 180-ge jýyq ótinish kelip tústi, olardyń kóbi «armenııa» kólikterin tirkeýge qatysty bolǵan. Kólik ıelerin negizinen osy protsedýra erejeleri, baj quny, úshinshi tulǵanyń senimhat arqyly tirkeýden ótý múmkindigi jáne taǵy basqa máseleler qyzyqtyrdy. Suraqtarǵa Atyraý oblystyq PD ákimshilik polıtsııa basqarmasynyń bastyǵy Myrzaly Ótegalıev jaýap berdi. Nátıjesinde, aktsııanyń birinshi kúninde arnaıy HQKO-da Armenııadan ákelingen 108 kólik tirkeldi, al 27 tamyzda taǵy 84 kólik ıesi jańa nómir aldy», - dep habarlaıdy aımaqtyq PD baspasóz qyzmetinen.
Búgingi kúni Atyraýda osyndaı 3500-den astam kólik tirkelgen. Armenııa Respýblıkasynan 2020 jyldyń 1 aqpanyna deıin kirgizilgen kólikterdi tirkeý merzimi 1 qyrkúıekte aıaqtalady.
