Atyraýda jolaýshylar avtobýsyn aıdap áketken

ATYRAÝ. QazAqparat – Atyraý qalasynda turaqta turǵan avtobýsty aıdap ketken kúdikti ustaldy, dep habarlaıdy QazAqparat.

Oblystyq Polıtsııa departamenti baspasóz qyzmetiniń aqparatyna qaraǵanda, oqıǵa búgin, 17 qarashada bolǵan.

«Búgin saǵat 8:20 shamasynda 102 arnasyna Atyraý qalasynyń turǵynynan shaǵym tústi.

Shaǵym berýshiniń aıtýynsha, ol turaqta turǵan kóligin tappaı qalǵan. Osy derekke baılanysty polıtsııa qyzmetkerleri jedel izdestirý is-sharasyna kiristi. Atyraý qalalyq polıtsııa basqarmasynyń jedel basqarý ortalyǵy qyzmetkerleriniń kómegimen joǵalǵan avtobýstyń júrý baǵyty anyqtaldy. Al kólikti zańsyz aıdap ketken Aqmola oblysynyń 30 jastaǵy turǵyny bolyp shyqty. Kúdikti ustaldy», - dep habarlady departamenttiń baspasóz qyzmetinen.

Qazir ustalǵan kúdiktige qatysty QR Qylmystyq kodeksiniń 200-babynyń 1-bóligimen sotqa deıingi tergeý bastaldy.