Atyraýda jolaýshylar avtobýsy órtenip ketti
NUR-SULTAN. QazAqparat - Atyraý oblysynda tasjolda jolaýshylar avtobýsy órtenip ketti. Oqıǵa vıdeosy áleýmettik jelide jarııalandy, dep habarlaıdy QazAqparat tilshisi.
Atyraý oblysy TJ departamentiniń habarlaýynsha, vahtashylardy tasıtyn avtobýs beısenbi kúni keshke Atyraý-Dossor jol bóliginde tutanǵan. Salondaǵy jolaýshylar kólikten shyǵyp úlgergen, eshkim zardap shekpegen.
Tilsiz jaýdy sóndirýge 11 qutqarýshy men 3 arnaıy tehnıka jetkizildi. Qazirgi ýaqytta oqıǵanyń mán-jaıy anyqtalyp jatyr.
