Atyraýda jolaqyny elektrondy túrde tóleý synalyp jatyr
ATYRAÝ. QazAqparat - Búgin Atyraýdaǵy №5 jáne №14 qoǵamdyq kóligindegi alǵashqy ornatylǵan valıdatorlar - elektrondyq bıletke arnalǵan mobıldi qurylǵylar arqyly tabys tapqan, dep habarlaıdy QazAqparat tilshisi.
Atyraý qalalyq ákimdiktiń baspasóz qyzmetiniń habarlaýynsha, qazirgi tańda, Atyraýǵa 200 mobıldi tólem qurylǵysy jetkizildi. Jyldyń sońyna deıin barlyq qoǵamdyq kólikke valıdator ornatylatyn bolady.
Atyraý qalasy ákiminiń orynbasary Meıirim Qalaýıdiń aıtýynsha, naýryz aıynyń basynan bastap oblystyq ortalyqta «Tsıfrlyq Qazaqstan» memlekettik baǵdarlamasy aıasynda qoǵamdyq kólikte jol júrý tólemderin avtomattandyrý boıynsha jumystar júrgizilýde.
«Smart-TKSh» kompanııasy 6 tasymaldaýshy-kompanııamen kelisimshartqa qol qoıdy. Qazirdiń ózinde 1 qazannan bastap barlyq jol serikterge 200 mobıldi tólem qurylǵysyn shyǵarýdy josparlap otyrmyz. Barlyq avtobýstarǵa QR kod berilip, tólemderdiń basqa túrlerin jasaýǵa bolatyn «SmartQala» mobıldi qosymshasy iske qosylatyn bolady. Elektrondyq bılet júıesin engizýdiń maqsaty - qoǵamdyq kólik jumysynyń ashyq bolýyn qamtamasyz etý», - dep túsindirdi qala ákiminiń orynbasary.
Osylaısha, valıdator avtomatty túrde avtobýstardaǵy jolaýshylardyń qozǵalysyna qatysty aqparatty elektrondyq derekqorǵa júkteıdi. Jańa júıeniń engizilýiniń arqasynda qoǵamdyq kólikte qyzmet kórsetý sapasy, júrgizýshilerdiń jáne jol serikterdiń jalaqysy, sonymen qatar, tasymaldaýshy kompanııalar tabysy, bıýdjetke túsetin salyq túsimi kóbeıetin bolady. Budan basqa, avtobýstardyń qyzmet etý sapasy artady, sebebi qoǵamdyq kóliktiń tehnıkalyq kúıin jaqsy jaǵdaıda ustaý úshin qarajat tólenetin bolady.
«Pılottyq joba kezinde jolaýshylar valıdator arqyly qolma-qol aqsha tóleıtin bolady. Júıe iske qosylǵannan keıin arnaıy tólem kartalary engiziledi. Jolaqy kartasynyń quny 300 teńge bolady.
Zeınetkerler men múgedekterge jáne ardagerlerge arnaıy tegin kartalar beriledi», - dep atap ótti «Smart-TKSh» kompanııasynyń ókili Erlan Nurlanuly.
Eske sala keteıik, Astana men Almatyda elektrondy bıletterdi satý júıesi engizildi. Atyraýdaǵy jobanyń artyqshylyǵy - tólemder onlaın-formatta qabyldanýy. Bul sizge jolaýshylardyń sanyn bile otyryp , sondaı-aq avtobýstardyń bir-birimen baılanysta bolýyna, kúndelikti jumystary týraly aqparat alýǵa múmkindik beredi. Jalpyǵa qolma-qol aqsha, bank kartasy, Bluetooth, NFC-qosymshasy bar smartfon, sms-habarlandyrý jáne QR-kody úshin 9 túrli tólem túrleri bolady.
Aıta keteıik, qyrkúıek aıynyń sońynda qalaǵa 20 jańa avtobýs qabyldanady. Bıylǵy jyldyń sońyna deıin Atyraýǵa 100 avtobýs shyǵyp, jańa qoǵamdyq kólikter tólem qurylǵylarymen jabdyqtalatyn bolady.
