Atyraýda jol-patrýldik qyzmet kóligi apatqa ushyrady
ATYRAÝ. QazAqparat - Feısbýkte Atyraý avtomobıldik Zello-atyrau qoǵamdastyǵynyń paraqshasynda paıdalanýshylar jol-patrýldik qyzmet kóliginiń qatysýymen bolǵan apat ornynan foto ornalastyrdy, dep habarlady «QazAqparat» HAA tilshisi.
Paıdalanýshylar habarlaǵandaı, apat «Jumysker» men «Balyqshy» shaǵynaýdandaryn biriktiretin kópir aýmaǵynda boldy. "Volksvagen Polo" markaly polıtseı kóligi men «Lada Prıora» soqtyǵysty. Olardyń biri aýdarylyp ketti.
«Apat qalaı oryn alǵany, zardap-shekkenderdiń bar-joǵy anyqtalý ústinde», - dep habarlady ІІD baspasóz qyzmeti.
