Atyraýda jol ortasynda júrgen jigit KamAZ kóliginiń astyna tústi
Bul oqıǵanyń vıdeosy áleýmettik jelide tarady. Vıdeodan jol ortasynda úsh jigittiń júrgenin jáne olardyń biri KamAZ kóliginiń astyna túskenin kórýge bolady. Ony júk kóliginiń astynan eki jigit tartyp shyǵarǵan.
Osyǵan baılanysty oblystyq polıtsııa departamentiniń baspasóz qyzmetinen tergeý bastalǵanyn málim etti.
«Qazir atalǵan derek boıynsha QR Qylmystyq kodeksiniń 105-babymen (Ózin-ózi óltirýge deıin jetkizý) tergeý amaldary júrip jatyr», - dep habarlady departamenttiń baspasóz qyzmetinen.
Ózge aqparat QR Qylmystyq-protsestik kodeksiniń 201-babyna (Tergeý is-áreketterin júrgizýdiń jalpy erejeleri) sáıkes jarııalaýǵa jatpaıdy.
Budan buryn Atyraýda tún ortasynda tóbelesken eki jigittiń isi sotqa joldanǵanyn jazǵan bolatynbyz .
Tóbelesken jigitterdiń áreketi kameraǵa túsip qalǵan. Patrýldik polıtsııa qyzmetkerleri oqıǵa ornyna jedel jetip, eki er adamdy ustady. Onyń biri – Batys Qazaqstan oblysyndaǵy Oral qalasynyń, ekinshisi Atyraý oblysy Mahambet aýdanynyń turǵyny ekeni anyqtaldy.
Alkogoldik ishimdik ishken eki jigit bir-birimen janjaldasyp, sońy tóbeleske ulasqan. Sol sebepten, tártip saqshylary olardy medıtsınalyq saraptamadan ótkizýge sheshim qabyldaǵan. Medıtsınalyq saraptamanyń qorytyndysymen tóbelesqumarlardyń orta dárejeli mas kúıde ekeni belgili boldy.
