Atyraýda jol erejesin óreskel buzǵan KamAZ júrgizýshisi 20 kúnge qamaldy
Budan buryn áleýmettik jelide «Atyraý-Dossor» baǵytyndaǵy jolda KamAZ júrgizýshisiniń jol erejesin buzyp, apattyq jaǵdaı týǵyzǵany týraly vıdeo taraǵan edi.
Oblystyq polıtsııa departamenti baspasóz qyzmetiniń málimetinshe, vıdeo 16 tamyzda túsirilgen.
«KamAZ kóliginiń júrgizýshisi Atyraý qalasynan Dossor kentine baǵyt alǵan. Ony Maqat aýdandyq polıtsııa bólimi jergilikti polıtsııa qyzmeti bólimshesiniń ınspektorlary Dossor kentindegi janarmaı beketi janynda toqtatty. Kólikti 1986 jyly týǵan týǵan azamat basqarǵany anyqtaldy. Júrgizýshige qatysty QR Ákimshilik quqyqbuzýshylyq týraly Kodeksiniń 608-babynyń 3 bóligimen jáne 595-babynyń 5-bóligimen ákimshilik hattama toltyryldy» -dep habarlady departamenttiń baspasóz qyzmeti.
Jolda júrý erejesin buzǵan júrgizýshi Maqat aýdandyq sotynyń 17 tamyzdaǵy sheshimimen 9 jylǵa kólik júrgizý kýáliginen aıyrylyp, 20 táýlikke ákimshilik qamaqqa alyndy.
Eske sala ketelik, budan buryn Atyraýda mas kúıde rýlge otyrǵan 2 áıel júrgizýshi kýáliginen aıyrylǵan bolatyn.
