Atyraýda jol apatynan júrgizýshi qaza bolyp, 3 adam aýrýhanaǵa jetkizildi
ATYRAÝ. QazAqparat - Atyraý oblysyndaǵy jol apatynan bir adam qaza bolyp, úsh adam aýrýhanaǵa tústi, dep habarlaıdy QazAqparat tilshisi.
«Jol-kólik oqıǵasy Atyraý-Inder trassasynyń boıynda qala mańyndaǵy Besikti aýylynda boldy. Eki jeńil kóliktiń soqtyǵysýy saldarynan bir adam oqıǵa ornynda qaza bolyp, úsh adam túrli dene jaraqattarymen aýrýhanaǵa jetkizildi. Osy kezde sotqa deıingi tergeý sharalary júrip jatyr»,-dep habarlady oblystyq ІІD-niń baspasóz qyzmeti.
Soqtyǵysqan kólikter «Lada Prıora» men «VAZ-2110».
