Atyraýda jol apatynan úsh adam zardap shekti
ATYRAÝ. QazAqparat - Búgin Atyraýda bolǵan jol apatynan úsh adam zardap shekti, dep habarlaıdy QazAqparat tilshisi.
Polıtsııa departamenti baspasóz qyzmetiniń habarlaýynsha, jol-kólik oqıǵasy Qulmanov jáne Pýshkın kósheleriniń qıylysynda bolǵan. «Mersedes» jáne «Toıota Kamrı» jeńil avtokólikteri qaqtyǵysqan. Sonyń saldarynan úsh adam zardap shekti. Alǵashqy medıtsınalyq kómek kórsetilgennen keıin eki adam úılerine qaıtaryldy. Úshinshisi aýrýhanaǵa jetkizildi.
Jol apaty boıynsha tergeý amaldary júrgizilip, birqatar saraptamalar taǵaıyndaldy.
