Atyraýda jol apatynan teatr ártisi kóz jumdy
ATYRAÝ. QazAqparat – Atyraýda jol apatynan teatr ártisi kóz jumdy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, jol apaty 19 naýryzda Maqat aýdanynda bolǵan.
«Keshki saǵat 21:00 shamasynda «Atyraý-Dossor» tas jolynda «GAZel» men «VAZ-2114» soqtyǵysqan. Jol apatynyń saldarynan jeńil kóliktiń jolaýshysy boıjetken qaza tapty. Jeńil kóliktiń 22 jastaǵy júrgizýshisi birneshe jaraqatpen oblystyq aýrýhanaǵa jetkizildi» dep habarlady departamenttiń baspasóz qyzmetinen.
«VAZ-2114» kóliginde M.Ótemisov atyndaǵy akademııalyq qazaq drama teatry janyndaǵy jastar teatrynyń eki ártisi bolǵan. Qazir atalǵan jol apatyna baılanysty saraptama taǵaıyndaldy.
Eske sala ketelik, budan buryn Atyraý oblysynda jol apatynan eki adam mert bolǵanyn habarlaǵan edik.
